早幾個星期前已約定好的日子...成班一齊去嘉年華happy day...到啦到啦
...今日去嘉年華之前陪左亞順去左睇隻貓bb..幾合眼緣..成功取錄..一個月後就拎得....
我地7點左右到達門口...完來嘉年華入場費已經平到120蚊一位..真係抵...但係入場送既金幣就少左..一人25個(無記錯應該係)....一入到場整左張合照先...影完相..我地就飛身去玩掉公仔果d game...唔知食錯d咩..今日好好運...第一次玩已經拎到隻最大既公仔..我同雪兒都勁開心..只係用左2個金幣咋...勁happy..............呵呵~~~~~
入面有都好多呢d公仔game...但係之後我玩咩都無中到啦.....掉到咁上下...我地都開始玩機動遊戲...我自己本身對呢d野好驚...因為唔知點解一玩轉果d野就會好暈..暈到想嘔...好衰唔衰一開波就玩左個係咁轉既...之後個人就好似暈遊太虛~~~
個人暈暈地..緊係要搵d簡單game平息下個腦袋...之後就玩摩天輪...8個人坐晒入去岩岩好...上到最高望番落去..都幾靚下...再之後落去都係玩d唔係咁激既野...因為我地呢隊人都唔係太受得起考驗....嘿嘿~~~
最衰我地玩左個鬼屋,排左好耐隊...玩完之後都就收工...最想玩果兩個船都玩唔到..真係唔happy....最慘係個鬼屋原來好低b.................唉.......慘到爆.........早知唔鬼玩...浪費晒.....11點鍾散場...
散場後..我地坐的的的去左土爪灣一間燒炭爐打邊爐....正正.....好多年無食過....係後行位..仲食到煙..fit晒.....最抵死就係佢有兩個爐..一邊就打邊爐,,一邊就燒野食...我地叫左好多海鮮..大家食飽飽就告老歸田啦....
