出海釣魷 (我們在一起豹&雪)

豹&雪 | 28th Dec 2006 | 生活瑣事 | (133 Reads)

經過昨晚慘痛既事件...心情仲係好差..仲要昨晚成兩點幾先訓....但係之前已經約好左個網友一齊出海...所以都係唔可以推....不過都好~~見唔開心...去玩下放鬆心情~~~

今日晨咁早6點幾又要起身...目的地係西貢碼頭...隻船係網友自己既..所以去到唔洗搵租船佬...都幾爽...上到船...講左幾句就出發啦...去邊度釣我真係唔太知...剩係知原來都幾凍下...恆哥仔開盡油門係個海度飛奔...D風打埋黎都幾係野....行左幾個字..已經去左個好遠既地方...地方名我唔清楚...剩係知好大浪同好凍...停低船..開始SET好釣具..就釣起上黎啦..釣法同岸邊釣差唔多...都係用魚杆...最唔同既野就係企係船同岸...因為都幾大浪....我企極都企唔定...我見恆哥仔.企定定..郁都唔郁..真係有料到...俾個服字佢...釣左一陣...經驗老到既佢..好快就上釣...都幾大隻下..起馬有斤幾兩斤一隻..我地通常係每一個位拖幾野...如果無就轉位...今日我諗都總共轉左幾十次位...辛苦晒楂船既佢....唔慣艇釣既我..全日只係釣到一隻....但都好開心...非常好人既恆哥仔...其中有一隻上釣後..仲俾雪兒玩下添....全日總共好似釣左7隻..最大有3斤.....魷身有成隻手臂咁長...勁大.....玩到5點左右....我地開始回程...恆哥仔話今日既釣鑊已經算少.....佢自己本人試過一日最多釣到廿十幾隻...記住係佢一個人釣....